PUISI MAKASSAR

ARU'NA TUBARANIA RI GOWA
(Sumpah Para Karaeng)

Atanta Karaeng
Tabe' Ki Pammopporang Mama
Ridallekang Labbiritta
Riempoang Matinggita

Ikambe'mi Anne Karaeng
Labbakanna Butta Gowa
Bukkuru Tani kadona
Jangang Tani pakurru'na

Tumakkana Bura'nea
Tenayya Tonrolo Ta Narakkai
Tenayya Ujung Na Sorong Boko

Tojeng Karaeng
Tojeng-Tojeng Karaeng
Kuparreppekangi Sallang
Pangngulu Ri Barugayya
Kupannepokangi Sallang
Pasorang Ri Palang Balu

Inai-naimo Sallang
Tamappattojengi Tojenga
Tamappiadaki Adaka
Kusalagai Siri'na
Kuisara Parallakkenna

Makkana Mamaki Mae
Na Ikambe Maggaukang
Mannyabbu' Mamaki Mae
Na Ikambe Mappajjari

Punna Sallang Takamayya
Arukku Ri Dallekanta
Pangkai Jerrakku
Tinraki Bateonjokku
Cakkalawara Arengku

Pasangi Ana' Riboko
Rimakkanangku
Na Takurupai Kanangku

Share this post